Stellenbosch se bekende name
Spier, Delheim, Simonsig, Lanzerac en Tokara is maklike keuses: daar is mense rond, en julle proe so min of so veel as wat julle wil.
Plekke · Wes-Kaap
Paarl en Stellenbosch Dating: Afrikaanse Singles in die Boland
Sluit gratis aan by jou afdeling:
Waar Afrikaans sy eerste koerant gedruk het, en ’n wynplaas nooit ver is nie.
Dating in Paarl, Stellenbosch en tot by Ceres
Ja. Die Boland is die taal se tuiste, en vir dating het Afrikaans Singles lede in Paarl (ook Noorder- en Suider-Paarl), Stellenbosch, Pniel, Wellington, Wolseley, Ceres, Worcester en Robertson. Kies tussen drie afdelings: Enkellopendes as jy ernstig is, Goue Oues as jy 40 of ouer is, of Stoutes as jy net pret soek.
Liefde in die taal se eie tuisdorp
Die Genootskap van Regte Afrikaners is op 14 Augustus 1875 in Gideon Malherbe se huis in Paarl gestig. Daardie huis is nou die Afrikaanse Taalmuseum, met die pers waarop die eerste Afrikaanse koerant gedruk is, en sedert 10 Oktober 1975 staan die Taalmonument op Paarlberg. Die granietkoppe by Paarl Rock is die plek vir ’n stap teen sononder.
In Stellenbosch is Maties sedert 1918 ’n universiteit en gee vandag klas in Afrikaans en Engels. Die Woordfees is sedert 2023 in Oktober, en in Paarl se hoofstraat staan die Strooidakkerk van 1805, die oudste kerkgebou in die land wat nog as kerk gebruik word.
Wynplase waar ’n eerste afspraak sommer maklik is
Stellenbosch het in 1971 die land se eerste wynroete gekry. Hier is ’n proe die Boland se weergawe van koffie.
Paarl se wyn en kaas
Fairview vir wyn en kaas, die KWV Emporium, Nederburg en Spice Route.
Babylonstoren
By Simondium tussen Paarl en Franschhoek, bekend vir sy tuine. Stap eers, proe later.
Bainskloof
Andrew Geddes Bain se pas van 1853 bo Wellington, met rivierpoele vir ’n warm middag en Diemersfontein naby.
Oude Libertas
Musiek, teater en komedie in die opelug teen Papegaaiberg, omtrent van November tot Maart.
Jou volgende afspraak is ’n kort rit ver
Die N1, R44 en R45 hou die dorpe naby mekaar. Ongeveer:
- Paarl na Wellington 15 km
- Stellenbosch na Paarl 30 km
- Franschhoek 30 km van albei
- Kaapstad 50 tot 60 km
- Paarl na Worcester 65 km
Worcester lê anderkant die Hugenote-tonnel in die Breedevallei, met die Karoo-woestyn se botaniese tuin, die Kleinplasie-opelugmuseum en Brandvleidam vir watersport. Verder lê die Hexriviervallei se tafeldruiwe, met sneeu op die Matroosberg in die winter. Woon jy op ’n plaas buite Ceres, Wolseley of Robertson? Ons blad oor boere dating is vir jou.
Baie lede in hul laat twintigs en vroeë dertigs
Meer as een uit drie Boland-lede is tussen 25 en 34, en saam met die 18- tot 24-jariges is meer as die helfte jonger as 35. Die 55-plussers is net een uit tien.
18 tot 2420%
25 tot 3436%
35 tot 4423%
45 tot 5412%
55 en ouer10%
Ouderdomme van ons lede in die Boland, al drie afdelings saam.
Van ’n voorstel tot ’n proelokaal
- Wys net jou dorp. Op jou profiel verskyn die naaste dorp, soos Wellington of Pniel, en nooit jou adres of die plaas se naam nie.
- Laat afstand werk. Jou daaglikse voorstelle weeg hoe ver julle uitmekaar woon, en in die Boland is die volgende dorp selde ver.
- Brei uit met VIP. Filter op stad en afstand as jy Stellenbosch of Worcester ook wil insluit.
- Kies ’n besige plek. Ontmoet eers by Die Braak in Stellenbosch op ’n Saterdagoggend, of in ’n proelokaal vol mense. Ry self, proe min en sê vir iemand waar jy is.
Meer idees staan in ons eerste date idees.
Gou beantwoord: dating in die Boland
Is daar ’n Stellenbosch dating app?
Ja. Maak Afrikaans Singles in jou foon se blaaier oop, teken in en sit dit op jou tuisskerm. Dan werk dit soos ’n app, sonder ’n aflaai, of jy nou in Stellenbosch, Paarl of Ceres is.
Ek woon in Worcester. Is Paarl te ver?
Dis omtrent 65 km deur die Hugenote-tonnel op die N1, minder as ’n uur se ry. Met VIP kies jy self of Paarl binne jou soektog val.
Wat is ’n goeie eerste afspraak in Paarl?
’n Stap by die granietkoppe op Paarlberg laat in die middag, of wyn en kaas by Fairview. Albei is buite, in die lig en tussen ander mense.
Wanneer is die Boland op sy besigste?
Op die eerste Saterdag van Augustus, wanneer Interskole tussen Paarl Boys’ High en Paarl Gimnasium die hele dorp trek, en in Oktober met die Woordfees in Stellenbosch. Somers is warm, veral in Paarl en Worcester; winters is koel en nat.
Ook in die Kaap en langs die kus
Die Boland se bure, van die stad tot die Tuinroete.
Iemand om saam mee te proe, te stap en te gesels
Kies ’n afdeling, sluit gratis aan en kyk wie tussen Pniel en Ceres na iemand soek.